ហេតុអ្វី Jack Ma មានមុខមាត់ចម្លែកម្លេះ?
15-January-2016 | ដោយ មួយឡា
Jack Ma ត្រូវបានគេស្គាល់ថា ជាបុរសមាឌល្អិតម្នាក់ ដែលមានមុខមាត់ចម្លែក ខុសពីមនុស្សធម្មតា ហើយមនុស្សជាច្រើន តែងគិតថា នេះអាចជាហ្សែនពីធម្មជាតិរបស់គាត់ ដែលមានមកតាំងពីកំណើត។ ប៉ុន្ដែ ក៏មានមនុស្សមួយចំនួន មានការងឿងឆ្ងល់ពី មុខមាត់របស់មហាសេដ្ឋីចិន Jack Ma ដែលជាស្ថាបនិកពូកែវោហារស័ព្ទ និងជាសហគ្រិនជោគជ័យបំផុតមួយរូបនៅក្នុងពិភពលោក ហើយបានសួរទៅកាន់គាត់ ពីបញ្ហារូបសម្បតិ្តរបស់គាត់។
គាត់បាននិយាយថា “មនុស្សជាច្រើនតែងសួរខ្ញុំ ហេតុអ្វីខ្ញុំមានមុខចម្លែកម្លេះ? ខ្ញុំបានឆ្លើយទៅវិញថា ព្រោះខ្ញុំចូលចិត្តគិតពីរឿងអ្វីមួយ នៅក្នុងមធ្យោបាយចម្លែកៗ។ ខ្ញុំតែងចំណាយពេលរាល់ថ្ងៃរបស់ខ្ញុំ គិតអំពីឧបសគ្គ ដែលអាចនឹងមករាំងស្ទះ ដល់ការអភិវឌ្ឍរបស់ក្រុមហ៊ុនខ្ញុំ ដែលបញ្ហានោះអាចនឹងក្លាយជាជំងឺមហារីក ស៊ីអស់ក្រុមហ៊ុនរបស់ខ្ញុំ”។
ការឆ្លើយតបរបស់ Jack គឺជាការបង្ហាញឲ្យឃើញថា ដើម្បីក្លាយជាសហគ្រិនជោគជ័យ ឬថ្នាក់ដឹកនាំក្រុមហ៊ុនឆ្នើម យើងត្រូវតែត្រៀមខ្លួន បញ្ជៀស និងដោះស្រាយគ្រប់បញ្ហា ដែលអាចនឹងកើតមានគ្រប់ពេល។
ប្រសិនបើលោកអ្នកចង់អានពី គំនិតល្អបំផុតរបស់ Jack Ma ក្នុងឆ្នាំ ២០១៥ សូមអាននៅក្នុង ទស្សនាវដ្តីពាណិជ្ជកម្ម កម្ពុជាលេខ 30 ដែលនឹងចេញផ្សាយនៅដើមខែកុម្ភៈ ខាងមុខនេះ៕
ប្រភព៖ business-cambodia
ចំនួនអ្នកទស្សនា
- ថ្ងៃនេះ891
- ម្សិលមិញ15191
- សប្តាហ៍នេះ44041
- ខែនេះ65921
- ឆ្នាំនេះ65921
- សរុប20508377